Мал бушавко стана хит на интернет.
Локлан Семплс има нескротливата руса коса, предизвикана од синдром на коса која не се чешла (uncombable hair syndrome).
Прамените на 14-месечното момче стојат нагоре и не можат да се исчешлаат надолу, без разлика колку и да се обидуваат неговите родители. „Многу луѓе го нарекуваат пиленце“ – вели неговата мајка Кејтлин.
Таа дополнила дека покрај позитивните, луѓето им даваат и негативни коментари.
„Лок веќе е мала ѕвезда. Луѓето ни приоѓаат каде и да одиме. Навистина, не можеме да одиме никаде без да има барем една личност која ќе даде коментар за косата. Најчесто се добронамерни, но има и груби и саркастични коментари кои ми го кршат срцето“ – додала Кејтлин.
„Изгледа како да го има ставено прстот во штекер“ и „Изгледа како мојата мачка кога е уплашена“ – се дел од исмејувачките коментари за косата на Локлан.
„Засега, јас и мојот сопруг сме единствените кои треба да се соочуваат со тоа, но како што ќе расте Лок, ќе мора да се соочува и тој. Неговата коса е навистина извор на радост. Сакам кога ќе порасне да се гордее на тоа што е поразличен и уникатен“ – изјавила неговата мајка.
Ова е редок синдром и има само 100-тина случаи во светот.
„Неговата коса не треба многу да се мие... можеби еднаш неделно. Не впива вода, па потребна е само една минута да се помине со нежен шампон и вода“ – објаснила мајка му.
