„Македонија ја сакаме со дела“: Некст Тајм со изведба на „Ја излези Ѓурѓо“ пред битолската публика

Некст Тајм беа дел од изведувачите на синоќешната манифестација „Силно светнал ден“ по повод 35-годишнината од независноста на Македонија.

Пред битолската публика, браќата Мартин и Стефан ја изведоа песната „Ја излези Ѓурѓо“, која ја преработија пред 11 години. Публиката пееше на цел глас заедно со нив.

На сцената, Стефан рече:

„Македонија ја сакаме со дела и ја сакаме преку културата, преку песната, а вие што посетувате вакви убави македонски настани, уживајте“.

Видео

„Силно светнал ден“ претставува музичко-сценско патување низ различни периоди од македонската историја, култура и уметност.

Проектот, во режија на Дејан Пројковски, ги обединува музиката, театарот и поезијата, а низ приказната публиката ја води Игор Џамбазов во улога на домаќин и раскажувач.