Луисана Лопилато и Мајкл Бубле за првпат на црвениот тепих по лекувањето на нивното синче од рак

Мајкл Бубле и Луисана Лопилато присуствуваа на доделувањето на Governor General's Performing Arts Awards во Отава, Канада, каде на славниот пејач му беше доделена почесна награда за неговиот придонес во музичката индустрија.

На настанот, 30-годишната актерка од серијата „Млади бунтовници“ шармираше во елегантно црно кратко фустанче.

Ова е првиот свечен настан на кој славниот пар се појави заедно откако мина неколку месеци избегнувајќи ги медиумските рефлектори и фокусирајќи се на здравјето на синчето Ноа.

Во ноември минатата година, на 3-годишното момче му беше дијагностициран рак на црниот дроб, а пред неколку месеци парот соопшти дека тој одлично напредува во борбата со страшната болест.

Во говорот, Бубле со емоции зборуваше за своето семејство.

„Стојам тука почестен што ми дозволивте да бидам еден од вашите музички претставници и што ми ја дадовте оваа чест за време на овој тежок период за моето семејство. Ви благодарам за љубовта и поддршката што ми ја дадовте и за гордоста со која сум исполнет секојпат кога можам да застанам на сцена и да речам: Моето име е Мајкл Стивен Бубле и јас сум Канаѓанец“ – вели 41-годишниот музичар.

„Целиот мој живот е инспириран од тоа како се чувствувам за моето семејство – мојата сопруга, моите деца, моите родители, моите сестри, мојот менаџер... Не постојат зборови со кои можам да опишам како се чувствувам за вас. Понекогаш Ве сакам не е доволно, бидејќи тоа што го чувствувам е многу повеќе“ – додава Бубле.

ВИДЕО

Мајкл и Луисана беа фотографирани со двете деца на аеродром.