Луисана Лопилато и Мајкл Бубле на гала со докторите кои му помогнаа на нивниот син во борбата со ракот

Луисана Лопилато и Мајкл Бубле присуствуваа на гала-вечера по повод 125-годишнината од основањето на Детската болница во Лос Анџелес, настан кој за нив имаше посебно емотивно значење.

Аргентинската актерка и канадскиот пејач делеа иста маса со докторите кои помогнаа во лекувањето на нивниот син од рак. Кога имаше само три години, на малиот Ноа му беше дијагностициран рак на црниот дроб, но храброто момче успеа да извојува победа над болеста.

Ѕвездата од серијата „Млади бунтовници“ сподели дека средбата со лекарите и медицинските сестри кои некогаш им помогнале да ги пребродат најтешките моменти од животот разбудило чувства кои тешко се опишуваат со зборови.

Има вечери кога срцето те враќа на места кои никогаш не ги забораваш… ❤️

Да седам на гала-вечера по повод 125-годишнината на Детската болница во Лос Анџелес, на иста маса со лекарите и медицинските сестри кои некогаш ни помогнаа да останеме силни кога ни се чинеше дека целиот свет ни се руши, беше емоција која тешко може да се опише со зборови.

Додека гледав како Мајкл се качува на сцената за да пее, го погледнав и помислив на сè низ што поминавме… Опкружени со толку многу луѓе, само тој и јас знаевме што чувствуваат нашите срца.

Затоа што некои рани зараснуваат, но оставаат траги кои остануваат засекогаш.

Болката се менува со годините, но никогаш не ја забораваш. Таа станува поинаков начин на љубење, на чувствување благодарност и на гледање на животот.

Таа вечер уште еднаш ме потсети дека дури и кога чувствувавме дека не можеме да продолжиме понатаму, Бог никогаш не ги пушти нашите раце. Ни испрати луѓе кои станаа Негови раце, Негова прегратка и Негова љубов во нашите најмрачни моменти.

Ти благодарам, Боже, за животот, за надежта и за секој ангел кој го постави на нашиот пат. ❤️

Бубле со фотографии со четирите деца ѝ го честиташе Денот на мајката на Луисана.