Лејди Гага зачекори со Бредли Купер на црвениот тепих по повод премиерата на нивниот заеднички филм „A Star Is Born“ на Филмскиот фестивал во Венеција.
32-годишната пејачка изгледаше гламурозно во волуменозна креација со пердуви од колекцијата висока мода за сезоната есен/зима 2018 на модната куќа Валентино. Розовиот фустан таа го надополни со дијамантски обетки.
Дождливото време не го расипа расположението на филмската двојка која доби многу позитивни критики.
