Лејди Гага го освојува светот. Откако во март оваа година стана единствената ѕвезда која успеала да достигне повеќе од 1 милијарда покажувања на нејзините музички спотови онлајн, Лејди Гага сега постигна нов рекорд.
Оригиналната музичарка стана првата жива личност што успеала да достигне 10 милиони обожаватели на Facebook, надминувајќи го бројот на обожаватели на американскиот претседател Барак Обама и актерот Вин Дизел.
Лејди Гага е најпопуларната жива личност на Facebook.
Со цел да им се заблагодари на своите фанови, Гага објави видео во кое вели: „Ве сакам многу. Многу ви благодарам за целата љубов, вашата поддршка и што стоите до мене“. Краткото видео Гага го завршува со зборовите: „Стани мој пријател на Facebook – никогаш нема да те заборавам“.
Сепак, дури и со оваа импресивна бројка Лејди Гага не успева да се вброи меѓу првите 5 најпопуларни на Facebook. Страната на Texas hold'em poker е на прво место, зад неа е страната на Мајкл Џексон, а следуваат страните на Mafia Wars, страната на Facebook и страната на серијата Family Guy.