Криси Тиген им возврати на сите кои ја критикуваа што му стави кацига за оформување на главата на бебето Мајлс
Критичарите секогаш ќе критикуваат, а Криси Тиген не пропушта да им возврати на зајадливите коментари на социјалните мрежи.
Откако вчера 33-годишниот модел сподели дека нејзиното бебе ќе носи кацига за оформување на главата поради плагиоцефалија или сплесканост, веднаш наиде на спротивставени коментари. Додека многумина ѝ се заблагодарија што ја подигнува свеста кај луѓето и споделија свои искуства, други побрзаа да ја критикуваат нејзината одлука, а трети ја „советуваа“ дека не секоја форма на главата треба да биде коригирана.
Еве што им напиша Криси на троловите на Twitter:
„Добро утро тролови! Само пријателски потсетник дека навистина не знаете апсолутно сè. Мајлс посетува физиотерапевт, не преминавме директно на шлем. Се обидовме со вежби за мускулите и ќе продолжиме. А и вашето дете со рамна глава е супер, да, да, се согласувам...“ – напиша таа.
„Само не сакав да ги видите фотографиите и да се прашувате. Не промовирам ништо. Само ја споделувам нашата приказна. Можете да се вратите на вашиот живот сега“ – додаде таа.
Just didn’t want you guys to see pictures and wonder. Not promoting anything. Just sharing our story! Thank you back to your bridge now.
— christine teigen (@chrissyteigen) December 4, 2018
Подоцна, познатата сопруга на Џон Леџенд сподели видео на кое танцува со ќеркичката Луна и повторно доби критики дека го крева малото девојче за рацете.
„Во право бевте за танцувањето. Можев да ѝ ги откорнам рацете на Луна и ќе бидам повнимателна. Се внесов во моментот и длабоко се извинувам“ – напиша таа.
But you were right about the dancing. I could have ripped luna’s arms off and I will be more careful. I was in the moment and I apologize profusely.
— christine teigen (@chrissyteigen) December 4, 2018
Тиген е една од најактивните славни личности на социјалните мрежи и редовно им возвраќа на оние кои ги критикуваат нејзините одлуки како родител.
Криси и Џон се родители на 2-годишната Луна и 6-месечниот Мајлс.