„Кралица на срцата“: Маче со шара во форма на срце на градите освојува обожаватели на Instagram
Мачка привлекува големо внимание на интернет со невообичаената шара во форма на срце на градите.
Зои била посвоена од својата сопственичка Џоен кога била мала, благодарение на сестра си Изи. Имено, Џоен прво ја избрала Изи за свој миленик, но откако ја запознала Зои, не можела да ѝ одолее и ги вдомила двете крзнени сестри.
„Зои ја најдов случајно. Планиравме да посвоиме едно маче и прво ја избравме Изи. Кога отидовме да ја земеме, ја видовме и Зои и таа нè шармира со нејзината неодолива шара во форма на срце (која претходно никој ја немаше забележано), со нејзиното игриво однесување и бушавоста. Но, она што најмногу нè привлече беше нивната сестринска љубов“ – вели Џоен.
Изи и Зои живеат заедно и имаат свој профил на Instagram, кој го следат речиси 100 илјади обожаватели, а тој број постојано расте. Поради својата шара, Зои е нарекувана и „Кралица на срцата“.
