Кои се најплатените актерки во Холивуд за 2018 година и по колку милиони заработуваат?

17 август 2018, 09:24

Скарлет Јохансон моментално е најплатената актерка во Холивуд според најновата листа на списанието Forbes. Благодарение на улогата на Црна Вдовица во Avengers, 33-годишната ѕвезда се искачи на тронот.

На второто место е Анџелина Џоли, чија заработка во главно се должи на продолжението на Maleficent.

Џенифер Анистон ја зазеде третата позиција со приходите од рекламни кампањи за компаниите Emirates airlines, Smartwater и Aveeno. Заработката на Анистон следната година значително ќе се зголеми, бидејќи за новата серија која ќе ја снима со Рис Витерспун се очекува да добива по 1,25 милиони по епизода.

Рангирањето е направено врз база на заработката на актерките во периодот од 1 јуни 2017 до 1 јуни 2018.