Кинеска компанија им даде на вработените бонус од 26 милиони долари на маси, секој си се послужи
Газда од Кина на несекојдневен начин во готово им подели на вработените бонуси од 26 милиони долари. Тој не сакал бонусите да бидат само „студени бројки“ на банкарската сметка, па смислил нешто поразлично.
На гала-вечер на која присуствуваа околу 7.000 лица, компанијата Henan Kuangshan Crane Co. Ltd. ја распредели огромната сума на 800 банкет маси, а вработените самите си се послужиле од парите.
A dream corporate party took place in China
During a Chinese New Year celebration, Henan Kuangshan Crane piled up mountains of cash for 7,000 employees.
There were $26 million in cash laid out on the table. The only rule: take it with your hands and carry it away yourself.
The… pic.twitter.com/hH79ej7Bk6— NEXTA (@nexta_tv) February 26, 2026
Сопственикот, кој поседува речиси 99% од акциите на компанијата, објаснил дека сакал гестот да има поголемо значење од обична бројка на сметка.
„Некои прашуваат зошто едноставно не ги префрлиме парите на сметка. Но, така се само студени бројки“ – изјавил тој.
Во претходните години, компанијата подарувала накит и апарати за домаќинство, но оваа година газдата одлучил сите да добијат дополнителни 20.000 јуани (околу 2.800 долари) во готово.
La empresa china Henan Kuangshan Crane Co., Ltd., un fabricante internacional de grúas y productos de manipulación de materiales, repartió más de 180 millones de yuanes (26 millones de dólares) en bonificaciones de fin de año a sus empleados, informaron medios locales.
Durante… pic.twitter.com/vZ158ABUrr— Su Mundo Digital (@sumundodigital) February 25, 2026
Компанијата, основана во 2002 година, работи во повеќе од 130 земји и има традиција на дарежливост.
Покрај бонусите, во минатото издвојувала милиони и за најдобрите продавачи, за вработените жени по повод Денот на жената, како и за студенти од семејства со ниски приходи.
Како што пишуваат кинеските медиуми, газдата и самиот морал да го прекине образованието поради сиромаштија, па често истакнува дека сака да им помогне на младите да не се соочат со истата судбина.
„Сиромаштијата не треба да се пренесува на следната генерација. Тие не треба да бидат спречени да одат на училиште поради сиромаштијата“ – изјавил тој.
