Легенди и бајки...
Карл Лагерфелд е познат по спектакуларните модни шоуа, па кога дојде време да ја одбележи 90-годишнината на модната куќа Fendi, тој ја избра популарната Фонтана Треви за да приреди уште една незаборавна ревија.
Манекенките дефилираа на проѕирна плексиглас писта поставена над базенот на фонтаната во вечниот Рим. Околу 600 гости љубопитно ја набљудуваа колекцијата инспирирана од бајката „East Of the Sun, West of the Moon“, илустрирана од Кај Нилсен.
„На одреден начин колекцијата беше за расположението на моето детство, норвешките бајки. Го нареков шоуто Легенди и Бајки, бидејќи ова е колекција која не може да се поврзе со сите како ready-to-wear, таа е многу специјална за луѓе кои имаат специјален начин на живот“ – изјавил Карл.
Кендал Џенер и Бела Хадид беа меѓу манекенките кои самоуверено чекореа на несекојдневната писта.
