Кејли Куоко стана мајка. Ѕвездата од серијата „The Big Bang Theory“ се породи и сподели фотографии со новородената ќеркичка и саканиот Том Пелфри.
Девојчето го добило името Матилда Кармин Ричи Пелфри.
„Ви ја претставуваме Матилда Кармин Ричи Пелфри, новата светлина во нашите животи. Пресреќни сме и благодарни за ова мало чудо. Томи Пелфри не мислев дека можам да се заљубам уште повеќе во тебе, но се заљубив“ – напиша Кејли.
Кејли и Том за првпат во јавност се појавија како пар во мај минатата година. Неколку месеци подоцна, во октомври тие открија дека очекуваат бебенце.
