Ја запроси на роденденот и ја изненади со СВАДБА: Николија и Реља се венчаа по 12 години љубов
Николија Јовановиќ и Реља Поповиќ ја крунисаа својата долгогодишна љубов со брак. По 12 години заеднички живот и две ќерки, познатата музичка двојка си го кажа судбоносното „ДА“ на интимна свадбена прослава.
А најромантичниот момент е што целата свадба била изненадување за Николија.
Сè започнало на 19 октомври, кога Реља организирал роденденско изненадување за Николија во белградскиот ресторан „Гилда“. Во еден момент, музичарот клекнал на едно колено, извадил прстен и ѝ го поставил најважното прашање на својата сакана.
Изненадената Николија со радост ја прифатила понудата за брак, но не ни претпоставувала дека најголемото изненадување допрва следува.
Реља веќе имал организирано свадба, па двојката се венчала на самото место, опкружена со најблиските членови на семејството и пријателите.
Како што може да се види од фото-албумот кој го објави „Вог Адриа“, за специјалната пригода 37-годишната пејачка избрала елегантен бел фустан со длабоко деколте и лежерен крој. Реља се одлучил за модерна црна комбинација со сако и маица, која одлично се вклопувала во опуштената атмосфера на прославата.
Како што пишуваат од модниот медиум:
„По повеќе од една деценија исклучително исполнет заеднички живот, Николија и Реља одлучија да ја крунисаат својата љубов со брак. На нејзиниот роденден, Реља ја изненади својата партнерка не само со запросување, туку и со свадба организирана на самото место.“
Николија и Реља се запознале преку заеднички музички проекти, а нивната љубовна приказна започна пред 12 години. Во 2016 година ја добија првата ќерка Реа, а во 2021 година нивното семејство се зголеми со раѓањето на втората ќерка Хана.
Иако со години градеа заеднички живот и семејство, дури сега одлучија својата љубов да ја официјализираат со брак.