Модниот избор на бремената Ријана повторно се најде во центарот на вниманието.
37-годишната пејачка беше фотографирана во Лос Анџелес во долг пастелен фустан и удобни патики, по што доби бројни коментари на социјалните мрежи.
Додека дел од фановите ја пофалија за опуштениот и удобен изглед, други ѝ упатија критики, нарекувајќи ја „несоодветно облечена“ и потсетувајќи ја дека е стилска икона.
„Рири, би требало да бидеш стилска икона“, „Шеќерна волна? Мафин? Што е оваа монструозност?“, „Изгледа како сладолед“, „Мода? Дефинитивно ви требаат очила“, „Ова е ужасен фустан“ – се само дел од коментарите.
Без разлика на мислењата, Ријана уште еднаш покажа дека не се плаши да биде своја и да го стави комфорот на прво место.
Ријана во моментов го очекува третото дете со Ејсап Роки. Тие имаат две мали синчиња.
