И покрај тоа што се трудат максимално да си ја зачуваат својата приватност, децата на Анџелина Џоли и Бред Пит честопати се мета на папараците.
Нокс и Вивиен беа фотографирани за време на нивна прошетка во Лос Анџелес.
Неодамна Нокс ја придружуваше Џоли на доделувањето на Governor's Awards, додека Вивиен беше придружба на мајка си на 77-мото доделување на наградите Tony.
Пред неколку дена, Џоли беше дел од интервју за Good Morning America, каде зборуваше за мајчинството и шесте деца кои ги има со Бред.
„Ниту едно од моите деца не сака да биде пред камера. Тие се екстремно приватни, не беа родени со приватност, па се надевам дека ќе можат да го имаат тоа додека растат“ – рече таа.
Анџелина и Бред се вљубија на сетот на „Mr. & Mrs. Smith“ во 2005 година, а во јануари 2006 година потврдија дека го очекуваат првото заедничко дете. Тие стапија во брак во август 2014 година, а се разделија во септември 2016 година.
