Актерките Хелен Мирен и Џејн Фонда не беа само во улога на посетителки на Париската недела на модата. Тие се појавија во улога на манекенки на модното шоу на L’Oréal за пролет/лето 2018. Нивната гламурозна појава на модната писта беше вистинско изненадување за публиката.
Во првите редови беше забележан и супермоделот Наоми Кемпбел. Таа со воодушевен аплауз ја поздрави појавата на 72-годишната Мирен и 79-годишната Фонда, со која на крајот размени и пријателски бакнеж. Мирен дефилираше во широки карирани панталони и темен капут, а Фонда изгледаше привлечно во припиена креација со животински принт и гламурозен дијамантски накит.
На шоуто на L’Oréal, покрај Мирен и Фонда, дефилираа повеќе познати модели, меѓу кои Ирина Шајк, Вини Харлоу и Тилан Блондо.
Не остана незабележана и појавата на 34-годишната пејачка Шерил, којашто пред 6 месеци го доби своето прво дете.
На модното шоу на L’Oréal беа прикажани преку 70 креации од повеќе модни куќи, меѓу кои Балман, Џамбатиста Вали, Изабел Маран и Соња Рикел.
