„Ѝ укажав дека сум лице во инвалидска количка, наместо трпение добив навредливи зборови“: Дарко со порака по немила случка во Скопје

Дарко Стојановски сподели немила случка од секојдневието како лице со попреченост.

Стојановски, кој мора да користи инвалидска количка поради ретката генетска состојба остеогенезис имперфекта, раскажа како му започнал денот во скопската населба Аеродром, каде што живее. Додека ја склопувал количката за да ја стави во автомобилот, жена од друга кола започнала да му свири да ја затвори неговата врата за таа да може да помине.

И покрај тоа што ѝ покажал дека му треба малку време, наместо трпение и разбирање добил само навредливи зборови. 

„Каде ни се изгубија емпатијата, трпението и основната човечност? Некогаш навистина не е потребно многу за да покажеш дека си човек. Понекогаш се доволни само неколку минути трпение“ – напиша разочарано Дарко кој има дипломирано на Филозофскиот факултет во Скопје.

Неговата објава во целост: 

📢Сабајлево ми почна со горко будење во реалноста, за жал...📢

‼️Тргнувам наутро кон колата, паркирана пред зградата во населба Општина Аеродром. Ја отворам вратата и почнувам да ја расклопувам количката ♿️ за да ја ставам во автомобилот🚗. Сè беше во ред сè додека една госпоѓа не почна да свири, барајќи да ја затворам вратата за да може да излезе со својата кола од паркингот.

💬 Ѝ укажав дека сум лице во количка ♿️ и дека ми требаат само 2–3 минути за да ја сместам количката во автомобилот. 📣Не можам да го направам тоа во една секунда.

Наместо малку трпение и разбирање, следуваа навредливи зборови. А кога госпоѓата виде дека сум во количка♿️, наместо извинување, нејзиното прашање беше:☢️ „А ти кај живееш?“☢️

👉Ѝ одговорив дека живеам во зградата.

Во тој момент излезе еден човек од зградата да ми помогне, а госпоѓата едноставно продолжи, без да каже ништо.

⁉️И сега се прашувам: до каде стигнавме како луѓе?⁉️

❓Зарем е толку тешко да почекаш неколку минути? Зарем брзањето е поважно од почитта кон другиот? И најважно, зарем треба некој да биде во количка♿️ за да заслужи малку разбирање и човечност?

‼️Попреченоста не е услов за да заслужиш почит. Почитта и емпатијата треба да ги имаме кон секој човек.‼️

⁉️Каде ни се изгубија емпатијата, трпението и основната човечност?

👉Некогаш навистина не е потребно многу за да покажеш дека си човек. Понекогаш се доволни само неколку минути трпение.👈