„Хурем Султан“ и „Сулејман“ заедно по речиси 15 години: Мерјем Узерли и Халит Ергенч на црвениот тепих во Египет

Љубителите на турската серија „Величествениот“ синоќа почувствуваа вистинска носталгија.

Речиси 15 години од почетокот на нивната незаборавна телевизиска приказна, Мерјем Узерли и Халит Ергенч повторно се појавија заедно на црвениот тепих на Филмскиот фестивал во Ел Гуна, Египет.

Популарните „Хурем Султан“ и „Сулејман Величествениот“ се обединија за светската премиера на нивниот нов филм „Пролет во Имроз“ („İmroz’da Bahar“).

Мерјем блесна во впечатлива креација на дизајнерското дуо Khaled & Marwan. Црниот проѕирен фустан од чипка, украсен со впечатливи сини цветни апликации, ги спои елеганцијата и романтичниот гламур. Креацијата била изработувана рачно дури 25 дена, а актерката го надополни изгледот со впечатлив накит од Glamour Signature.

Халит се одлучи за елегантна комбинација од модната куќа Dolce & Gabbana.

На црвениот тепих двајцата позираа со режисерот Озџан Алпер и продуцентот Емре Оскај, пред да се упатат на првата проекција на филмот, одржана пред околу 1.000 гледачи.