На вчерашната премиера по повод втората сезона на „Wednesday“, Кетрин Зета-Џонс и Џена Ортега го претворија пурпурниот тепих во моден театар каде гламурот, готиката и сензуалната елеганција се спојуваат во совршен баланс.
На свеченоста во Лондон, 55-годишната актерка, која во серијата ја толкува незаборавната Мортиша Адамс, зачекори во црна креација од францускиот дизајнер Стефан Ролан.
Славната сопруга на Мајкл Даглас беше придружувана од нејзината внука Ава Зета.
Џена Ортега покажа дека готската елеганција не доаѓа секогаш во темни нијанси. Младата актерка, која ја има главната улога во серијата, се појави во бежова креација од Ashi studio.
Првата сезона на „Wednesday“ е најгледаната серија на англиски јазик на Netfix, па фановите со нетрпение ги чекаат епизодите од првиот дел на втората сезона кои ќе започнат да се прикажуваат на 6 август.