Голема разлика во години, но силна хемија: Бред Пит со двојно помладата девојка Инес де Рамон во Лос Анџелес

Бред Пит присуствуваше на светската премиера на Mercedes-AMG, која се одржа во Лос Анџелес. На автомобилскиот настан, холивудскиот заводник беше придружуван од својата девојка Инес де Рамон.

62-годишниот актер ја прегрнуваше 33-годишната партнерка и ја држеше за рака додека заедно пристигнуваа на промоцијата.

Пит шармираше во кафеав костум и носеше впечатливи очила, додека Инес ја истакна својата витка фигура во припиен црвен фустан без прерамки.

Иако меѓу нив има 29 години разлика, Бред и Инес делуваа вљубено, опуштено и со очигледна хемија додека позираа заедно пред фоторепортерите.

Пред неколку дена, името на Пит повторно беше во фокусот на медиумските наслови, но овојпат поради откажувањето на ќерка му од неговото презиме.

21-годишната Захара дипломираше психологија, а на церемонијата нејзиното име беше прочитано како „Захара Марли Џоли“, наместо „Џоли-Пит“.

Во изминативе години повеќе од децата на Анџелина и Бред се дистанцираат од презимето „Пит“. Ќерката Шајло лани и официјално побара негово отстранување од документите, додека Вивиен и Медокс исто така во јавноста се претставуваат само како „Џоли“.

Холивудската двојка се раздели во 2016 година, а Анџелина побара старателство над шесте деца.