Додека аплаузите од ревиите на високата мода стивнуваа, малку подалеку од Париз започна волшебен бал организиран од прекрасната Наталија Водијанова.
Повеќе од 450 славни лица од модниот свет беа поканети да присуствуваат на „The White Fairy Tale Love Ball“, кој се одржа во замокот Chateau de Wideville од 17-ти век на дизајнерот Валентино Гаравани.
Наталија Водијанова (прв фустан)
Дрес-кодот поставен од домаќинката беше бела и сребрена облека. Додека повеќето дами пристигнуваа облечени во сребрени и бели тоалети како од бајките, Наталија се истакна во толпата со црвена тоалета на Валентино, најверојатно инспирирана од Црвенкапа.
Наталија Водијанова и Валентино
„Јас секогаш носам црвено на настаните кои ги организирам“ – објаснила Наталија, која во текот на вечерта се преслече и во друга, исто така црвена тоалета.
Балот беше со хуманитарна цел. Богатите гости донираа пари за Naked Heart Foundation, фондацијата основана од Водијанова. На настанот беа собрани вкупно 2,3 милиони евра кои ќе послужат за градење на паркови за играње за децата од сиромашните и непривилегираните семејства во Русија.
Ана Дело Русо
Ен Хетавеј
Оваа фондација е особено важна за Наталија, затоа што самата таа израснала во сиромашно семејство во Русија. Познатата манекенка објавила и дека нејзината фондација ќе има и нова мисија - градење на центри за деца со посебни потреби, како нејзината сестра која има пречки во развојот.
Оливија Палермо и Маргарита Мисони
Ева Херецигова и Дафне Гинис го прекршија дрес-кодот
Во текот на вечерта беше одржана ревија со 45 специјално изработени фустани од познати дизајнери. Меѓу гостите беа Кристијан Лобутин, Ен Хетавеј, Оливија Палермо, Ана Дело Русо, Томи Хилфигер, Рикардо Тиски, Ева Херцигова и Дафен Гинис. Погледнете каква беше атмосферата на волшебниот настан:
Еве дел од фустаните кои беа ставени на аукција:
