Кетрин, војвотката од Кембриџ, беше како магнет за погледи полни со воодушевување на гала по повод претстојните Олимписки игри, која вчера се одржа во Лондон. Облечена во тиркизна софистицирана тоалета на Џени Пекам, Кетрин блескаше на црвениот тепих.
Долгиот плисиран елегантен фустан во горниот дел беше украсен со прекрасна чипка, декорирана со мали сваровски кристали. Гламурозната Кетрин својот стајлинг го имаше надополнето со обетки во форма на капка, мала плик-чанта во иста боја како и фустанот и обувки Џими Џу.
Иако Кетрин најчесто ја носи својата коса слободно пуштена и со големи локни на врвовите, овој пат таа изненади со собрана коса која придонесе да изгледа како грчка божица.
Заедно со принцот Вилијам, Кетрин присуствуваше на концертот „Our Greatest Team Rises“ за поддршка на британските спортисти кои ќе ја претставуваат земјата на Олимписките игри.
Фустанот на Кетрин е дел од колекцијата пролет/лето 2012 на Џени Пекам