Викторија Бекам е дамата од корицата на септемвриското издание на австралискиот „Вог“.
Модниот едиторијал, за чиишто потреби Бекам носи креации од Луј Витон и Долче и Габана, како и од сопствената колекција, е дело на фотографот Бу Џорџ.
Во интервјуто за списанието, Викторија зборувала за долгогодишната успешна кариера на својот сопруг и за загриженоста при презентирањето на својата прва колекција.
За Дејвид Бекам и неговото „пензионирање“: „Многу сме горди на Дејвид. Го поддржувавме во клубови низ целиот свет во изминативе 15 години гледавме како тој е инспирација не само за мене и децата, туку и за милиони луѓе. Сега сме навистина возбудени што ќе поминуваме повеќе време заедно како семејство.“
За загриженоста за време на нејзината прва ревија: „Сите дојдоа и се однесуваа многу загадочно. Си помислував: Хм, дали на некого му се допадна? Никој не велеше ништо, па јас само им брборев за да ја исполнам засрамувачката тишина – дури и на Јапонците, кои не разбираа ниту збор од тоа што го велев.“
