Викторија Бекам освен што е успешна дизајнерка, одлично се справува и со улогата на модел. 38-годишната сопруга на Дејвид Бекам застана пред фотоапаратот на познатиот дизајнер Карл Лагерфелд за францускиот „Elle“.
Долгоногата бринета позираше во станот на легендарната Коко Шанел, во облека од повеќе модни куќи, меѓу кои и Шанел. „Пресреќна сум што ги направив овие фотографии со Карл. Многу го почитувам. Тоа што сум во станот на Коко Шанел, облечена во облека од модната куќа, е остварување на еден од моите соништа“ – изјавила Викторија.
На насловната страница на ноемвриското издание на списанието, Викторија носи сопствена креација.
