Springfield ја најавува студената сезона со кежуал колекција со урбан дух. Водејќи се од модните тенденции и мотото „Чувствувај се добро, изгледај одлично“, познатиот бренд комплетира младешка и забавна колекција за вљубеничките во модата.
Инспирацијата доаѓа од неколку правци. Видливо е влијанието на гранџ стилот од 90-тите и изгледот на универзитетските униформи на Харвард, Јејл и Принстон. Плетената облека добива специјално место, додека џинсот и карето ја збогатуваат модната понуда.
Не се прескокнати ниту пелерините, кои ќе ги доживеат своите пет минути во текот на претстојните есенски и зимски денови. Динамичните принтови, типографските мотиви и богатите текстури ја засилуваат привлечноста на колекцијата.
