Физичарот Стивен Хокинг со своето семејство присуствуваше на манифестацијата по повод доделувањето на BAFTA наградите, за да му ја искаже својата поддршка на актерот Еди Редмејн.
33-годишниот Редмејн ја толкува улогата на Хокинг во „The Theory of Everything“. Филмот, кој ја прикажува врската меѓу 73-годишниот физичар и неговата поранешна сопруга Џејн Вајлд, победи во категоријата Најдобар британски филм, а на Редмејн му ја донесе наградата Најдобар актер. Талентираниот актер со солзи во очите им ја посвети наградата на своето семејство, на семејствата на колегите и на семејството на Хокинг.
Стивен беше придружуван од бившата сопруга Џејн и од ќерката Луси Хокинг.
Стивен Хокинг со семејството
Реномираниот физичар на сцената се појави со актерката Фелисити Џонс, која во филмот ја има улогата на Џејн и заедно ја доделија наградата Најдобри специјални визуелни ефекти.
Пред да откријат кој е победникот, атрактивната актерка изјави дека Стивен Хокинг е единствената личност на планетата која е поинтелигентна од водителот на манифестацијата Стивен Фрај. Познат по одличната смисла за хумор, Хокинг додаде: „И позгоден“, по што следуваше момент кој шокира многумина. Имено, водителот Фрај во обид да возврати со истата доза на хумор, рече „Тоа беше навистина супер“, имитирајќи го компјутерскиот глас на физичарот. За таа постапка тој доби многу негативни коментари.
Стивен Хокинг страда од амиотрофична латерална склероза (АЛС).
Стивен Хокинг и Еди Редмејн
