Миреја Лалагуна Ројо синоќа ја освои титулата „Мис на светот“. Мисицата од Шпанија со огромна насмевка ја прими круната од минатогодишната победничка Ролин Страус.
На изборот кој се одржа во Саниа на островот Хајнан во Кина, 23-годишната девојка од Барселона блесна во гламурозен син фустан. Таа е првата претставничка на Шпанија која е прогласена за Мис на светот.
„Без љубовта која ја добив од сите луѓе кои ги сретнав и од сите луѓе од целиот свет кои ми посакуваа сè најдобро и ме поддржуваа дома, никогаш немаше да стигнам дотука. Сакам да му покажам на светот дека ја заслужувам титулата Мис на светот и се надевам дека сите ќе се гордеат со мене“ – рекла среќната победничка.
Русинката Софија Никитчук стана прва придружничка, додека Марија Харфанти од Индонезија беше прогласена за втора придружничка.
Во Топ 5 влегоа и Мис Либан и Мис Јамајка.
Видео: Прогласувањето на победничката
Емилија Розман ја претставуваше Македонија на престижниот натпревар за убавина.
