Софија Вергара неколку години успешно соработува со американскиот ланец на продавници „Kmart“, дизајнирајќи модни колекции со кои им го доближува својот стил на бројните фанови.
Колекцијата пролет/лето 2014 се врти околу сексапилот и истакнувањето на привлечните женски облини.
Коментирајќи ја колекцијата, енергичната Колумбијка изјавила: „Мое омилено парче од колекцијата е црниот фустан со црно-бел принт кој е многу модерен сега... Ми се допаѓаат сите бои, но омилени бои сезонава ми се сина, како аквамарин, жолта и се разбира црната, бидејќи прави да се чувствуваш и да изгледаш слаба.“
Покрај облека, Вергара дизајнира и костими за капење.
