Сиара беше многу важно парче од сложувалката наречена Billboard Music Awards 2016. Славната пејачка влезе во улога на водителка, која тргна на моден маратон.
Во текот на вечерта, 30-годишната ѕвезда се пресоблече во седум секси фустани.
На розовиот тепих во Лос Анџелес таа зачекори во сребрена креација од Phillip Plein и обувки Casadei.
Црниот фустан со високи шлицови и наметка доаѓа од дизајнерот Michael Costello.
Долгиот металик фустан го потпишува Naeem Khan.
Краткиот фустан со длабоко V-деколте е од актуелната колекција на Roberto Cavalli.
Двобојниот фустан кој Сиара го искомбинира со чизми над колена е дело на Lexi Clothing.
Асиметричната креација со златни детали е од модната куќа Galia Lahav.
За крај, таа носеше уште една креација од Michael Costello – бордо кадифен фустан.
