Мила Кунис е ѕвездата од јулското издание на „Marie Claire“. Шармантната актерка, која е бремена со своето прво дете од Ештон Кучер, позираше во елегантни дизајнерски креации.
Во интервјуто за списанието, Кунис зборувала за љубовта кон Ештон, породувањето и годината во која за сѐ велела „да“.
За Ештон и претворањето на нивното пријателство во љубов: „Еден ден сѐ се промени. Одеднаш ништо веќе не беше исто. И многу бев горда што го сфатив тоа. Најдобриот ден во мојот живот беше денот кога ми предложи брак. Плачев. Бев хаос. Без намера да дискредитирам која било од моите минати врски, оваа врска е поразлична.“
За породувањето: „На две лица им е дозволено да дојдат во породилната сала. На мојот доктор и на мојот избраник. А тој треба да стои настрана од случувањата. Тој ќе биде поставен глава со глава, а не глава со вагина. Освен ако не сака да го ризикува својот живот и да види што се случува. Но, јас не би го направила тоа да сум на негово место. Се сомневам дека сака да види како изгледа да си раскинат и на парчиња. Затоа што ќе има раскинување. Само не се знае колку лошо ќе биде.“
За годината во која велела само „да“: „Бев многу добра во кажувањето „не“. Потоа решив дека ќе велам „да“ за секоја можност која ќе дојде до мене, независно од тоа колку е луда. Тоа ми го промени животот.“
За тоа што да не очекуваме од неа: „Никогаш нема да имам своја модна колекција. Ви ветувам, тоа никогаш нема да се случи.“
Мила на премиерата на „Third person“ на 9 јуни
