Мила Кунис изгледа неодоливо на фотографиите од новиот едиторијал за американското издание на Harper’s Bazaar.
28-годишната актерка позираше пред објективот на Тери Ричардсон во креации на Шанел, Луј Витон, Долче и Габана, Александар МекКвин, Том Форд, Роберто Кавали, Ив Сен Лорен и Версаче.
Мила, која глуми од својата 9-та година од животот, стана позната со хит-серијата „That '70s Show“, но нејзината улога во „Black Swan“ ја лансира меѓу најбараните актерки во Холивуд. Актерката со препознатливо крупни очи е и новото заштитно лице на Диор и моментално ја снима кампањата за оваа позната модна куќа.
Во интервјуто за списанието, Мила призна дека по нејзиното драстично слабеење од 9 килограми за филмот „Black Swan“, тело ѝ се променило. „Мојата форма е поинаква. Кога слегов до 43 килограми, бев мускули, како мала куќа од тули, но и кожа и коски. Кога си ја вратив тежината, таа отиде во сосема различни области. Би била среќна ако мојот задник беше поголем. Целата тежина што ги напушти моите гради отиде странично на моите колкови и на стомакот“ – изјавила Кунис.
Сепак, таа не ја исклучува можноста повторно да прифати улога која ќе бара и нејзина физичка трансформација. За да ја одржува својата линија, Мила сега вежба трипати неделно.
Сексапилната актерка открила дека не излегува често и дека претпочита да се релаксира со чаша вино пред телевизорот, а исто и дека тешко создава нови пријателства.
„Тешко е да им се отвориш на луѓето, затоа што често се многу повеќе љубопитни отколку што навистина се грижат за тебе“ – дополнила таа.
