Во улога на креативен директор на Puma, Ријана одржа ревија во Њујорк. На модниот настан беше презентирана првата колекција Fenty Puma By Rihanna.
„Кога семејството Адамсови би одело во фитнес сала, би го носело ова“ – коментирала Ријана зад сцената.
Музичката ѕвезда се инспирираше од јапонската улична култура. Очигледно е готското влијание, како и поништувањето на границата помеѓу типично машките и женските силуети.
„Ова колекција не го претставува само тоа која сум јас и како се облекувам, туку и ги поместува границите на она што сакав да го креирам со Puma. Сакав да ја однесам Puma на ново место со нешто непредвидливо и неочекувано. Си поиграв со текстурите и силуетите, а сите материјали се луксузни“ – пишува во соопштението на Ријана.
Ана Винтур и Наоми Кембел седеа во првиот ред на ревијата, додека на пистата дефилираа сестрите Џиџи и Бела Хадид.
