Романтика и модерна елеганција извира од фотографиите од новата кампања на модната куќа Оскар де ла Рента.
Саша Лус и Дарија Строкоус се дамите кои позираа во Мајами за познатиот фотограф Стив Хиет. Русокосите Русинки облекоа дел од последните креации дизајнирани од самиот Оскар, кој почина минатата година.
Раскошните детали, богатата тантела, перфорираните цветови и умерената транспарентност ја надополнија формулата на доајенот на американската мода за креирање на привлечна облека која жените ќе уживаат да ја носат, а која занемарува и не наметнува трендови.
