ФОТО: Нови фотографии од претепаната Ријана

На интернет се појавија нови фотографии од Ријана, сликани откако Крис Браун физички ја нападна.

Фотографиите се направени во болницата веднаш по бруталниот напад и на нив се гледа крвавото лице на Ријана со модрици на челото, очите и образите. Нејзиното десно око е отечено, а устата расцепена на повеќе места.

Ријана во болница веднаш по нападот

Само пред неколку дена судот ја ублажи забраната за приближување на Крис Браун до 23-годишната пејачка. Крис преку неговиот адвокат се пожалил дека забраната за приближување влијае негативно на неговата кариера и побарал да биде тргната. Ријана не се појавила на сослушувањето, но нејзиниот адвокат кажал дека таа не се противи на барањето.

Устата на Ријана

Крис Браун е бесен што фотографиите се објавени токму сега. „Иронично е како некој го објави ова токму во времето на објавување на мојот албум! Wow! Претпоставувам дека тоа е стратешки шаховски потег. Неверојатно“ – напишал тој на Twitter, а подоцна дополнил: „Ѓаволот е секогаш зафатен!! Но, кога имаш судбина, ништо или никој не може да го сопре она што Бог го испланирал!“. Подоцна постовите биле отстранети.

Фотографијата која во 2009г. го шокираше светот

Поради неговото насилно однесување и физички напад, Крис Браун во 2009г. заработи пет години условна затворска казна, шест месеци општествено корисна работа и парична казна од 2000 долари, а беше принуден и да посетува курс против семејно насилство.