Џенифер Лопез и Џузепе Ѕаноти ќе се обидат да го повторат успехот кој го постигнаа со првата заедничка колекција обувки. Славната пејачка и актерка и познатиот дизајнер создадоа втора капсулна колекција, која е наменета за сезоната есен 2017.
48-годишната ѕвезда изјавила дека новите обувки го одразуваат нејзиниот личен стил. „Колекцијата е совршен микс од мене и Џузепе“ – рекла таа.
За соработката со талентираниот Италијанец, Лопез вели: „Дизајнирањето обувки бара многу дисциплина. Мора да се опседнуваш со секој детаљ за да направиш совршена обувка. Уживав работејќи со Џузепе, кој има природен талент и огромно искуство во модата.“
