Никол Кидман по третпат е ѕвезда во рекламна кампања на Џими Чу. 46-годишната актерка го разголи своето тело за кампањата пролет/лето 2014.
Фотографиите се инспирирани од концептот „модерна џунгла“, а за нив заслужен е норвешкиот моден фотограф Солве Сундсбо.
„Навистина уживав работејќи со Солве... Го обожавам минималниот стајлинг и фактот што обувките и чантите станаа како сензуална втора кожа за мене“ – изјавила Кидман.
Фотографиите наидоа на многу критики. Многумина посочија дека Никол е речиси непрепознатлива поради дигиталната обработка на фотографиите.