Сестрите Кардашијан го продолжуваат својот поход во светот на модата со нова пролетна колекција за Sears. Црпејќи инспирација од морнарскиот стил на облекување и надополнувајќи ја со кежуал и винтиџ елементи, трите риалити ѕвезди создадоа шик и модерна колекција со парчиња облека кои можат да се вклопат и во дневни и во вечерни комбинации.
Типично за морнарскиот стил, во колекцијата преовладуваат црвената, сината, белата и црната боја, кои се најдоа на панталони со широки ногавици и висок струк, женствени маички и макси фустани.
