Моника Белучи е ѕвездата од новата кампања на Dolce&Gabbana за шминките „True Monica“. Тоа не е изненадување ако се земе предвид фактот што Белучи долги години соработува со италијанското дизајнерско дуо и тоа што линијата за убавина е инспирирана од самата актерка.
Фотографиите за кампањата се направени во егзотична градина од Џампаоло Згура, а на нив убавата Италијанка носи црни креации со чипка од Долче и Габана.
Колекцијата „True Monica“ е градена врз основа на сензуалниот и енигматичен изглед на популарната ѕвезда.
Пред неколку дена беа објавени и рекламните фотографии за колекцијата есен/зима 2013 на Долче и Габана со Белучи.
