Откако стана јасно дека Моника Белучи ќе биде Бонд-девојка во новиот филм со Џејмс Бонд, привлечната Италијанка застана под медиумската лупа. Иако премиерата на „Spectre“ е закажана за ноември, 50-годишната актерка веќе ги започна промотивните активности.
Белучи гостуваше во популарното италијанско шоу „Che tempo che fa“. Пред публиката во Милано, таа се појави во елегантен фустан со цветен принт од нејзините пријатели Долче и Габана и црни чевли од Кристијан Лобутин.
Во духот на Џејмс Бонд, водителот ја пречека својата атрактивна гостинка со мартини и со автомобил Aston Martin.
Во интервјуто со Фабио Фацио, Моника рекла дека е прекрасно и револуционерно тоа што ѝ била дадена улогата на Бонд-девојка на 50 години.
За „Spectre“ Белучи снимала сцени на неколку локации во Рим и Лондон.
