Наближувањето на календарскиот почеток на есента ги мотивира модните компании интензивно да ги промовираат своите најнови колекции. H&M без пауза обелоденува колекции кои ги мамат погледите на урбаните девојки.
Во новата кампања на шведскиот бренд ѕвезди се Наташа Поли, Лин Вен и Лија Кебеде. Женствени ткаенини и текстури, обоени во зеленкави нијанси типични за војничката униформа, стојат во основата на колекцијата која со сигурност ќе освојува во асфалтираните џунгли.
Нежните розови нијанси и свилените креации со детали од тантела им контрираат на панталоните, кошулите и палтата, инспирирани од машкиот стил на облекување.
H&M ја привлекува својата клиентела и со новите модели на палта, јакни и есенски чизми, како и со младешките, забавни креации од линијата „Divided“.
