Кијара Ферањи, која неретко се наоѓа на врвот на листите со највлијателни блогерки, сними фотосесија за „Fashion“.
За едиторијалот за канадското списание, 28-годишната Италијанка позираше во креации од познати модни брендови како Версаче, Луј Витон, Валентино и Ланвин.
Фотографот Габор Јурина бил задолжен за фотографиите со популарната блогерка.
Во интервјуто за списанието, Кијара зборувала за соработките со модните брендови и изјавила дека не би носела модно парче кое не ѝ се допаѓа. „Ако некој ми даде пари за да носам чанта која не ми се допаѓа, нема да го направам тоа. Ќе го изгубам кредибилитетот веднаш. Некои луѓе ќе ги земат парите без да се грижат, но тие нема да опстојат на сцената долго време“ – рекла таа.
