„Gravity“ доминираше по бројот на добиени бронзени маски на синоќешното 67-мо по ред доделување на наградите BAFTA.
Популарниот филм со Сандра Булок и Џорџ Клуни освои вкупно шест награди, а неговиот режисер Алфонсо Куарон ја прими наградата за Најдобар режисер.
„12 Years A Slave“ беше прогласен за Најдобар филм, а за улогата во него Чуител Еџофор ја доби наградата Најдобар актер. Кејт Бланшет беше прогласена за Најдобра актерка за улогата во „Blue Jasmine“.
Наградите за Најдобар актер во споредна улога и Најдобра актерка во споредна улога завршија кај Баркад Абди („Captain Phillips“) и Џенифер Лоренс („American Hustle“).
На црвениот тепих ѕвезди беа Анџелина Џоли и Бред Пит. Џоли одлучи да ги прескокне долгите вечерни тоалети и изненади со женски костум од Сен Лоран, кој совршено се усогласи со смокингот од Валентино на нејзиниот партнер.
Лупита Нионго шармираше со зелен фустан од модната куќа Кристијан Диор, Ејми Адамс изгледаше елегантно во црн фустан од Викторија Бекам, Кејт Бланшет блескаше во креација на Александар МекКвин, додека Лили Ален привлекуваше погледи во колоритен фустан од Вивиен Вествуд.
Лук Еванс
Том Харди и Кели Марсел
Том Хенкс и Рита Вилсон
Кристијан Бејл и Сиби Блажиќ
Стив МекКвин, Чуител Еџофор и Мајкл Фасбендер
Лупита со својата мајка
Анџелина Џоли и Бред Пит