Доделувањето на престижните награди Греми е повод ѕвездите да блеснат во најдобро издание на црвениот тепих. Годинава модната парада помина без возбудливи изненадувања.
Тејлор Свифт, која си замина од манифестацијата со три златни грамофони, носеше креација од високата мода на Версаче. Адел пленеше со безвременска елеганција во црн фустан од Живанши, Селена Гомез го истакна својот сексапил во блескава креација од Келвин Клајн, додека Сиара привлекуваше внимание со високиот шлиц на фустанот од Александар Воте.
Стајлингот на Лејди Гага целосно беше инспириран од легендарниот Дејвид Боуви. Сината креација го носи потписот на Марк Џејкобс.
Бијонсе го прескокна црвениот тепих. Таа се појави на сцената во бела креација од израелската дизајнерка Инбал Дрор.
Погледнете како изгледаа гостинките и оценете го нивниот стил.
