Њујорк уште еднаш беше домаќин на големиот моден настан по повод доделувањето на наградите на Советот на модни дизајнери на Америка.
Многу лица од светот на модната индустрија и шоу-бизнисот се појавија да го прослават мајсторството на најдобрите во креирањето на женска и машка облека и модни додатоци, но и креативната визија на новинари и верни следбеници на модата.
Џони Деп беше прогласен за Модна икона на годината, титула која лани ѝ припадна на ексцентричната Лејди Гага. За жал, популарниот актер со препознатлив стил не беше присутен да си ја подигне наградата. Во негово име наградата ја прими режисерот Џон Вотерс, кој на шега го опиша Деп како „ѕвездата која направи валканата коса да изгледа модерно“.
Близначките Мери-Кејт и Ешли Олсен ја добија наградата Најдобар дизајнер на женска облека за нивната линија висока мода „The Row“, додека Били Рид ја доби наградата за Најдобар дизајнер на машка облека.
Познатите сестри кои славата ја стекнаа на филмските екрани, се појавија во сопствени креации. Мери-Кејт за првпат ја покажа и својата темна фризура. На настанот беа присутни и филмски ѕвезди и некои од ангелите на „Victoria’s Secret“.
Еве ја целосната листа на добитници на награди:
Womenswear Designer of the Year: Mary-Kate Olsen, Ashley Olsen
Menswear Designer of the Year: Billy Reid
Accessory Designer of the Year: Reed Krakoff
Suno for Swarovski Award for Womenswear: Joseph Altuzarra
Swarovski Award for Menswear: Phillip Lim
Swarovski Award for Accessory Design: Tabitha Simmons
Geoffrey Beene Lifetime Achievement Award: Tommy Hilfiger
International Award: Rei Kawakubo
Founders Award: Andrew Rosen
Media Award: Scott Schuman and Garance Dore
Fashion Icon Award: Johnny Depp