Леонардо Дикаприо и неговата девојка Тони Гарн биле уловени од папараците додека се релаксирале на егзотичните плажи на Бора Бора.
39-годишниот актер и 21-годишната манекенка уживале на тропскиот остров, сончајќи се на белите плажи и разладувајќи се во кристално чистата вода.
По завршувањето на луксузниот одмор, парот ја продолжи забавата на фестивалот Коачела. Изминатиов викенд Леонардо и Тони биле меѓу бројните гости во Индио, Калифорнија.
Иако славниот актер се обидел да остане незабележан, сепак фановите не го пропуштиле неговиот препознатлив лик. На интернет се појави и кратко видео на кое маж лудо танцува за време на еден од концертите, а наводно станува збор за Дикаприо.