Откако со организирањето на хуманитарна гала-вечер собра 25 милиони долари за поддршка на организации и иницијативи за заштита на животните и животната средина, Леонардо Дикаприо одлучи да го искористи престојот во Сен Тропе за одмор.
39-годишниот актер беше фотографиран на луксузна јахта заедно со својата девојка Тони Гарн.
Парот, кој се обидува да ја зачува својата врска зад превезот на приватноста, уживаше во убавините на француската ривиера.
Првата хуманитарна гала-вечер на Дикаприо беше поддржана од повеќе славни личности, меѓу кои и Џоан Колинс, Боно, Марион Котијар, Џаред Лето, Селена Гомез и Кара Делавињ. За време на настанот, Леонардо одржа говор во кој ги повика присутните активно да се вклучат во заштитата на дивата природа. „Нашите шуми, кои го чистат нашиот воздух и ја чистат нашата вода и кои се наша најдобра природна заштита од климатските промени, се сечат целосно со алармантно темпо. Во нашите океани досега имаме изгубено 25% од коралните гребени и 90% од големите риби, меѓу кои и ајкулите. Крајно време е да се свестиме дека нашиот опстанок зависи од заштитувањето на екосистемите кои го одржуваат животот“ – рекол Леонардо.
Славниот актер неодамна донираше 3 милиони долари за заштита на океаните.