Кејт Хадсон е ѕвездата од модниот едиторијал на декемврискиот „Harper’s Bazaar“.
За фотографиите е заслужен Алекси Лубомирски.
Во интервјуто за списанието, Хадсон открила дека најомилена креација од сите кои ги има носено на црвениот тепих ѝ е црно-златниот фустан од Александар МекКвин кој го носеше на „Златен глобус 2013“. Таа потенцирала и дека ѕвездите не ја купуваат дизајнерската облека која ја носат на свеченостите.
„Луѓето мислат дека ги поседуваме сите тие фустани, но ние ги позајмуваме. Не можам да си дозволам да ги купувам тие нешта. Има одредени работи на кои трошам повеќе, но тоа е многу ретко, особено кога имаш две деца и школарина“ – вели Хадсон и дополнува дека обожавала да купува во бутикот на Изабел Маран, но пред да стане славна.
