Елизабета Франки ги мами дамите со ултра женствена и суптилно сензуална колекција, која ги избегнува границите на вулгарноста.
Италијанската дизајнерка за колекцијата пролет/лето 2014 вели дека е инспирирана од сите жени кои сакаат да бидат елегантни, шик и да се облекуваат со стил.
Земјени нијанси кои потсетуваат на карамела, цимет и бадемово брашно се мешаат со безвременската бела боја за да создадат неодолив моден микс. Впечатливата црвена боја е застапена кај моделите од линијата „Passepartout“. Модерна тантела, забавни здолништа тип „молив“, класични панталони, женствени шорцеви, комбинезони и ресести детали ѝ даваат на колекцијата посебен шмек.
