Ирина Шајк и Бредли Купер неодамна станаа родители. Славниот пар беше фотографиран заедно со ќеркичката на прошетка за првпат по нејзиното раѓање.
На папараци фотографиите, 42-годишниот актер ја носи в раце малечката Леа де Сејн, додека 31-годишната Русинка чекори покрај нив водејќи го нивното куче и туркајќи ја бебешката количка.
Во изминатиот период, Купер не поминуваше многу време со саканата Шајк и со ќеркичката, бидејќи беше посветен на снимањето на филмот „A Star Is Born“ во кој глуми покрај Лејди Гага.
Атрактивната манекенка се породи на 24 март, а веќе се врати во одлична форма. Пред една недела, Шајк ги истакна своите облини во припиена жолта креација на Канскиот филмски фестивал.
