Ева Лонгорија присуствуваше на хуманитарна гала на „Global Gift Foundation“, непрофитна организација фокусирана на олеснување на животот на деца, жени и семејства.
На црвениот тепих во Мексико Сити, 38-годишната актерка зачекори облечена во црно-бела креација на Зухаир Мурад од колекцијата есен/зима 2013.
Пред добротворната свечена вечера, Ева присуствуваше и на прес-конференција.
Шармантната ѕвезда од серијата „Desperate Housewives“, која подолго време има блиска соработка со „Global Gift Foundation“, неодамна објасни дека нејзината сестра ја мотивирала да се занимава со хуманитарна дејност. „Израснав со сестра со специјални потреби. Таа е прекрасна личност и светлина во животите на сите во моето семејство“ – рекла Лонгорија.
Ова не е првпат Ева да избере креација на Мурад. Елегантните фустани на либанскиот дизајнер и во други прилики ѝ помагале на женствен начин да ја истакне својата фигура.
